dinsdag 29 oktober 2013

Moarn yn it Friesch Dagblad: Stilte oer it standert-Frysk

De Skroeier yn it Friesch Dagblad fan moarn sinjalearret de stilte dy't der al moannenlang hearsket oer de kontroversjele taalútstellen, fan 't maityd, fan de Fryske Akademy. Yn novimber is der, hear ik, ûnder rezjy fan de Provinsje en in 'neutrale' foarsitter, in gearkomste fan foar- en tsjinstanners fan de plannen.

"By my oan ’e muorre sjocht skoalmaster Gysbert Japicx nei my mei in net te trochgrûnjen blik yn ’e eagen. Wat ik no wer úthelje yn it skreaune Frysk, tinkt er miskien. It soe him tink noch net tafalle en lês de oersetting dêr’t ik mei oan ’e gong bin fan Dan Brown syn ynternasjonale bestseller Ynferno. En hoe soe er ek witte moatte hoe’t syn taal him yn fjouwerhûndert jier ûntjûn hat?

Dan soe er út syn petret stappe moatte, ta de doar útrinne en op strjitte ris in praatsje meitsje mei dizze en jinge. Grutte kâns dat de minsken dy’t er dan oansprekt him sjogge as in nuvere toerist út ferweggystan. Want hoe’t er it ek besiket, ferstean kinne se him net en hy harren net. Telider slein sil er de jûns der wer yn komme, en sûnder in wurd te sizzen wer yn syn petret krûpe. It is ferlern. It wie omdôch."

Geen opmerkingen:

Een reactie posten